Il Palio di una volta / 6
 |
| I cavalieri di uno dei 4 quartieri nel piano Stazione |
XIII
Oh maravigghia di li maravigghi
Riggina ca cummogghia la so' Chiazza
e teni comu Figghiu l'autri figghi
e si li strinci tutti e si l'abbrazza
mentri pi li cuntrati si propaga
la fini prudigiusa di la chiaga.
XIV
E fu di tannu e di ssu primu signu
ca paliu e Chiazza su' di na sustanza,
dei tempi dei canonichi di lignu
ca la Matri Divina nun si scanza,
pi fami e carestii, pi siccità
la porta è sempri aperta, è sempri ddà.
XV
E pi ringraziamentu e rimimbranza
di tannu si festegguia a lu tri maggiu
la Madunnuzza scìnniri in vacanza,
turnarisinni dda, cu attornu a raggiu
tutta la genti so' ca si ci appresta
e la va trova pi cci fari festa.
(continua)
Giòmetrico
cronarmerina.it